Facebook Like Button

Intencija/ so kamel te kerel o EZAF

  1. E maj bari intencija katar o EZAF si e investigacija le Antiziganismoski ande intrego Europa thaj vi ande sa e avera thema kaj trajn le Roma thaj le Sintura. Pesko dzanglimasko intereso dikhel o nakhipe ale vi o prezento katar e antiziganistichno akcije thaj phiravimata - thaj specialno po Holokaust.
  2. O EZAF dzutil ande peske projektura thaj publikacije e dzanglimaske organizacije (shkola, e themesko autoriteto, administracija, politikura, media, etc.).
  3. O EZAF dzanel savi si e rola katar o dzanglipe ande historichno diskriminacija thaj persekucija le Romengi thaj le Sintongi. Anda kado avel a) jekh krokoro-refleksivno reorientacija katar o dzanglimasko gandipe (ando senso katar e maj neve filozofichno thaj dzanglimakse-teoretichno intuicije) sa kde sar b) jekh egalo balansime reprezentacija le Romengi thaj le Sintongi ande asosiacija. Inke pashe, o EZAF zumavel te avel les lashi relacija le organizacijasa Rom und Cinti Union anda Hamburg.
  4. O EZAF kam avel phanglo katar o UNiveristeto le Hamburgosko sar jekh pashutno instituto, kash te kerel pashutni kooperacija mashkar le dzanglimata thaj o Centro. Kam astarel pes thaj barearel pes e kooperacija le Europake thaj nonEuropake dzanglimaske institucijenca thaj universiteto.
  5. E misija le Centroski si te sikavel pes le gadzenge o problemo le Antiziganismosko kana sikaven le terminologichno instrumentura katar e dzanglimaske analizi thaj sikaven le rezultatura ando publiko.
  6. Le rezultatura katar e empirichno observacije thaj dzanglimaske analizi pala o buhlearipe thaj o zuralipe katar e antiziganistichno phiravimata si te aven dokumentime thaj publikime ande jekh data kolekcija, kash te shaj dikhel len le manusha the le studentura save si intersujme.
  7. O Centro kamel te kerel jekh kooperativno network mashkar sa le aktorura anda le dzanglimaske analizi thaj politichno akcija kontra o Antiziganismo, kash te zurearel pes e pozicija thaj buki savorengi save si implikime.
  8. Inke pashe, o EZAF barearel praktichno eksamplura anda o edukacionalno maripe kontra o Antiziganismo thaj e prevencija katar e diskriminacija karing e minoritetura.
  9. Si te kerel pes jekh arhiva pala e persekucijaki thaj anihilacijaki historija katar o nacionalismo thaj Antiziganismo.